• ×
الإثنين 14 ربيع الأول 1441 | 1441-03-14
عمرو  هارون

ناس و ناس

عمرو هارون

 0  0  1034
عمرو  هارون


في ناس تقولك لو حابب تكون مشهور وتطلع في النور خليك عكس الناس عشان تلفت نظرهم و تعرف تظبطهم وتكون ابن ناس. ساعتها هتلاقي اللي يهتم بيك ويلاغيك حتي لو كنت هلاس.
وناس تقولك اوعي تاخد بكلامهم .. لوعلوا صوتهم حاول تسكتهم وفي مكانهم سكنهم .. ويا سلام لو تعرف تفهمهم وتغيرلهم وجهة نظرهم.
وناس تحب تتكلم علي طول ومتسمعش .. قطر ماشي مبيقفش .. تقولك خليك بس معايا .. انت في حماية متخافش .. مسيرك في يوم هتوصل متقلقش .. سيبني بس اقودك ومتسألش .. وادى الخريطة عشان متوهش.
وناس تقولك هكلملك فلان وعلان عشان يوصلك فوق للعنان وترتاح بقي في حياتك وتوصل علي قفا الغلبان.
وناس تزعقلك وترهبك وتقلبلك وشها .. مجرد بس تطلع غلها .. حتي لو علي عصفورة صغيورة لسه خارجة من عشها.
وناس ولاد ناس تقولك تعالي خد فرصتك .. انا هكون واسطتك .. توهمك انها حبتك لأ وكمان عشقتك ..تفضل سهرانة تكلمك ويا عيني تعشمك .. عايزة توقعك وفي حبها تغرقك .. مزاجها يا سيدي توجعك .. شبعانة وحابة تجوعك.
وناس تدوس علي قلبك وبعدين تقولك هو انا جيت جنبك .. مش ذنبي اني عجبتك ده انت اللي وهمت نفسك وافتكرتني خدعتك.
وناس تقولك خليك مبادر وبسيط توصل لقلوب الناس بالعبيط.
وناس تانية جميلة .. لساها اصيلة.. تقولك توكل علي الله .. اكيد طبعا ونعم بالله .. اسعي يا بني واصبر تنول , وذاكر انت بس .. هتوصل علي طول.
وناس تقول وناس تقول.
وانت شايف وعارف من غير ما حد يقول ان غير رزقك لن تنول.
لانك لو وصلت هتلاقي ناس كتير بيسمعوك
ولما تتكعبل ومش بعيد تتبهدل هتلاقيهم بيسيبوك
ويتكلموا عليك ويهينوك ومش بعيد يسبوك
وانت عشان طيب و أهلك عرفوا يربوك
لسه بتحلم بناس حلوة بطيبتهم يزودوك وعارفين قيمتك وفاهمينك وفي بحر حنانهم بيغرقوك وتلاقيهم دايما جنبك حواليك بيضحكوك.
الناس دول موجودين .. جنبك قريبين .. فيهم الخير ماليهم .. شبعانين
دور عليهم هتلاقيهم .. لوغبت شايفينك ادام عنيهم
بيندهوك ويطمنوك بكل شوق وحنين.
بواسطة : عمرو هارون
 0  0
التعليقات ( 0 )
أكثر

جديد الأخبار

صدرت الهيئة العامة للأرصاد وحماية البيئة، ممثلةً في الإدارة العامة للتحاليل والتوقعات، بياناً جديداً اليوم، حول حالة التقلبات؛ متوقعةً استمرار تأثر..

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

كل مافي هذه الصحيفة خدمة لكم ،، ونسعى للأفضل ،، وجميع الحقوق محفوظة لأصحابها