انا كنت طالع من البيت وكالعادة معي زبالة البيت الله يكرمكم مهاوشتنى ام العيال تقولي ارميها معاك لاارميك انت واياها قلت : تيب.
ولما نزلت ووصلت لبرميل الزباله الله يعزكم وانا بغنى ومبسوط رايح للدوام ملقيت الاهذاك اللى صرخ بوجهي وقف قلبي ...
- قال : وقف خلاص زهقت كفاية ارحمونى يابشر صدعت وجانى المغص منكم ومن فاعليكم كفايه كفاااااااااااايه طفشت من زبالتكم ياخلق ..
صراحة انا انبهرت وانفجعت من الصوت وخفت قلت بنفسي يمكن يمكن !! احد بيمزح معىولا ايش السالفه مع انوا مافيه غيري بالشارع
· قلت (وانا مرعوب) : م م م م من أأأأأأأأ أنت ؟؟!! ( رجولى تنافض من الخوف )
- قال : انا برميل الزبالة وش فيك اعمى ؟؟!
ساعتها انا بغى يروح عقلى وانا خايف انصدمت اتخضيت على قولة الاخوه المصريين يبيلى طاسة الرعبه زي مايسوون السوريين ما أدري ايش اسوى ..
· قلت : مين وش انت جن ولا انس؟؟
- قال : انا برميل الزباله يا ادمي منت شايفني قدام عيونك ؟!!
· قلت : ش ش ش شايفك بس وش فيك احد مسويلك سحر وساخطك برميل الزبالة ؟!!
- قال : لا ياهوه !!
· قلت : طيب وشفيك علمنى؟؟
- قال : انا بصراحة برميل الزبالة لى سنين ولا حد اهتم فيني ولا سوالى شي مغير الناس تكب الزبالة بوسطي والبساس تحوم حولى وبعض السواقين يصدمونى واللى يشوتنى برجله علشان يوخرني من قدام سيارته واللى يحطنى علامة قدام حفرة يحفرها بالشارع واللى يجيب بخاخ بويه ويشخمط على واللى يشيلنىويوديني ويحط بوسطي شعير لغنمه واللى واللى واللى ايش احكيلك لابكيلك يا ابن الحلال .
ونهايتها العامل المسيكين يجي ويشيل اللي بوسطي ويرميني بالارض كانى عدوه ويمشي ويتركنى هذا من غير الشمس والحر والمطر اللى كاويني اللى مطلع ريحتى ومصدعتكم محد مخليني براحة ...
· قلت : ايش هالبلشه طيب وش المطلوب ؟؟!
- قال : بلشه ابي احد يهتم فيني او يعطيني وجه على الاقل ..
· قلت : كيف وشلون علمني مانى فاهم ؟؟
- قال : بسألك متى شفت احد يعقم كل هالبراميل او حتى يرش مبيدات علشان البعوض والجراثم المكومه اللي على ؟!!
· قلت : ماعمري شفت احد يحطلك معقم ولا يرشك حتى مبيد ..
- قال : او حتى يغسلها بالماء من السواد وطبقات الوصاخة اللى على ؟؟!
· قلت : لا .
- قال : عمرك شفت احد غيرني واستبدلنى بواحد غيري او غير واستبدل احد من هالشلة ؟؟!!
· قلت : بصراحة لا ..
- قال : انا صابني المرض ولا احد اهتم فيني وراح انقل الامراض للناس واتحمل ذنبهم وينقلونها لعيالهم والحارة الجيران والاقارب وووووو..
· قلت : هذى والله المصيبه ..
- قال : تصدق ان حجمي صغير واشيل زبالة حارة واذا هم راحميني خلونى قدام عمارة كبيره كم دور اشيل زبالتهم كلها مع ان فيه حاويات كبار حجمها تدري وينها ؟؟!
· قلت : اممممممم لا.
- قال : هيه انت كل اجاباتك لا لا لا لا لا مافيه حتى نعم !!
· قلت : بصراحة ماحصلت لااسلئلتك أي اجابة كلها لا ..
- قال : من المسئول عنا احنا ؟؟!
· قلت : البلدية هم المسئولين عنكم ..
- قال : هذى وينها عنا طول هالسنين حطونا ونسونا تبي الصراحة قرفنا من الحياة اللى عايشين فيها ناموس وذباب وحشرات كلهم عارفين طريقنا وكل يوم زباله نازلة علينا وزباله طالعه والقرف اللى نشوفه من المخلفات !!
· قلت : انا مابيدي حيله ويش اسوى ؟!!
- قال : بيدك كل شي ..
· قالت : وشلون ؟؟!!
- قال : معاك الاب توب والكاميرا ..
· قلت : ايه معى ؟؟!!
- قال : تنشر معاناتي معك وتكتب كل شئ شفته وكل كلمه قلتها مفهوم وياليت تصور كل هالبرميل يمكن يحنوا علينا على الاقل يقاعدونا او يغسلونا من هالقرف والوسخ اللى عايشين فيه ..
· قلت : مفهوم ابشرمايصير خاطرك الا طيب وانا راح اهتم فيك ..
- قال : لااااااااااااااااا انا ابيهم هم اللى يهتموا فيني وهم اللى مسئوليين عنى وعن نظافتى وصحتى مايقولوا النظافه مسئولية والصحة عنوان !!!
· قلت : خلاص اوعدك راح انشر معاناتك واكتب عنها
- قال : وعد ؟
· قالت وعد منى ..
واليوم انا بوفى بوعدي وااوريكم الاهمال من صحة البيئة واحنا كيف يعانوا المساكين من القرف والروائح ولاحد مهتم بالموضوع
سؤال : ايش دور صحة البيئة قسم ( النظافة العامة ) ؟؟؟!!
اترك لكم الاجابة وعليكم البحث والتحري عنها
